کٹھ پتلی
ڈوروں میں کسی کٹھ پتلی
کرتب گھر کے کونے میں
زیور سے سجی رہتی ہے
خاموش پڑی رہتی ہے
چھا جاتا ہے سناٹا
جب بھی بہروپ نگر میں
اپنی ویران آنکھوں سے
تنہائی کو تکتی ہے
اپنے بے جان لبوں سے
جانے وہ کیا کہتی ہے
بے چین ہوا کے جھونکے
بے کل موسم کی گردش
منڈیر کے باغی پرندے
اوربن موسم کی بارش
اس کی باتیں سنتے ہیں
ایسے میں کسی کی آہٹ
خوابوں کی پنکھڑیوں کو
بے وجہ مسل دیتی ہے
ایک بازیگرکی آمد
ماحول بدل دیتی ہے
ڈوروں میں کسی کٹھ پتلی
خاموش پڑی رہتی ہے
انجان بنی رہتی ہے
0 Comments